«Қазақтеңізкөлікфлоты» ұлттық теңіз кеме қатынасы компаниясы су жаңа қуатты заманауи сүйреткіштердің кеме жасауын жүзеге асыру есебінен отандық флот бірліктерін ұлғайтуды жалғастыра түсті.

Ағымдағы жылғы 24 қарашада Ақтау портында кеме жасауы «Қазақтеңізкөлікфлоты» компаниясының өтінімі бойынша жүзеге асырылған  «Эмба» және «Талас» сүйреткіштерін салтанатты қабылдап алу рәсімі өтті.

Рәсім барысында кемелерде Қазақстан Республикасының мемлекеттік туы көтерілді.

Жоба «Қазақтеңізкөлікфлоты» үшін үш сүйреткіштің кеме жасауын жүзеге асыруға «Қазақтеңізкөлікфлоты», «Damen»  кеме жасау компаниясы және  «Al Hilal» Ислам банкі арасында займ қаражатын тартуға жасасқан шартқа сәйкес іске асырылуда. Үшінші сүйреткіштің кеме жасауы 2018 жылы аяқталады деп күтілуде.

Ұзындығы 27 метр және ені 9 метр сүйреткіштер Солтүстік Каспийдің суы тайыз аймақтарында жүзетін  болады және объектілер мен кемелерді сүйрету, кемелерге ассистенттік қызметтерді ұсыну, навигациялық көмек көрсету және жәкірлерді өңдеу сияқты міндеттерді, сондай-ақ басқадай көмекші кеме міндеттерін орындайды.

Осы сүйреткіштерге тән ерекшеліктердің бірі - бұл жұмыстарды жүргізу аймағында оларды тереңдігі шектеулі жағдайда қуаты бойынша пайдалануда жоғары талаптардың қойылуы және кеме өлшемдерінің шағын болуы болып табылады.

«Damen» кеме жасау компаниясы 40-қа жуық кеме жасау және кеме жөндеу өндірістерін біріктірген, құрылу тарихы бай және кеме жасау тәжірибесі мол кеме жасау және кеме жөндеу өндірістерінің бірі ретінде танылады.

Кемелерді салтанатты қабылдап алу рәсімінде ҚТКФ Бас директоры Марат Көшкінбайұлы Орманов: «Қазақтеңізкөлікфлоты» су жаңа кемелердің кеме жасауын жүзеге асыру арқылы даму стратегиясын  бірізділікпен және кезең-кезеңмен іске асырады, ал бұл Каспий теңізінің қазақстандық секторын игеру бойынша жобалар шеңберінде компания ұсынатын қызметтер аясын кеңейте түседі» - деді.