Құрметті Клиенттер,
Сіздерге Қазақстан Республикасының «Қазақстан Республикасындағы банктер және банктік қызмет туралы» 1995 ж. 31 тамыздағы №2444 Заңында анықталған берешекті реттеу шарттары мен тәртібі және төлемге қабілетсіз қарыз алушыға қатысты қолданылатын шаралар туралы хабарлаймыз.
Банктік Қаржыландыру келісім-шарты бойынша міндеттемені орындаудың өткізіп алынған мерзімі болған кезде, Банк Клиентті:
• міндеттемені орындау бойынша мерзімді өткізіп алудың туындағаны және хабарламада көрсетілген күнге мерзімі өткен берешектің мөлшерін көрсете отырып, төлемдерді енгізу қажеттігі туралы;
• Клиенттің банкке өтініш жасау құқығы жайлы;
• Клиенттің қаржыландыру келісім-шарты бойынша өз міндеттемелерін орындамауының салдарлары, оның ішінде Банк берешекті өндіру үшін қолданатын шарттар және оларды орындау мерзімі туралы хабардар етуге міндетті.
Сонымен қатар міндеттемені орындау мерзімін өткізіп алу басталған күннен бастап күнтізбелік 30 күн ішінде Клиент Банкке барып, табысының азаю себебін және осы жағдайды растайтын құжаттарды міндетті түрде тапсырып, қаржыландыру келісім-шартының шарттарын өзгерту туралы жазбаша өтініш жасауға құқылы екенін еске саламыз.
Банк Клиенттің өтінішін алған соң күнтізбелік 15 күн ішінде келісім-шарттың шарттарына енгізуге ұсынылған өзгертулерді қарастырып, Клиентке:
• қаржыландыру келісім-шартына енгізуге ұсынылған өзгертулермен келісетінін;
• қаржыландыру келісім-шартының шарттарын өзгерту бойынша өзінің ұсыныстарын;
• бас тарту себептерінің негізін көрсетіп, қаржыландыру келісім-шартының шарттарын өзгертуден бас тартатынын хабарлайды.
Клиент өтінішті Банктің филиалдары арқылы немесе Банктің ресми сайты www.alhilalbank.kz арқылы қашықтықтан бере алады.
Банк пен Клиент арасында қаржыландыру келісім-шартының шарттарын өзгертуге қатысты өзара қолайлы шешімге қол жеткізбеген жағдайда Клиент Қазақстан Республикасының Қаржы нарығын реттеу және дамыту агенттігіне жүгінуге құқылы екенін хабарлаймыз.
Толық ақпарат алу үшін 2330 нөмірі бойынша Банктің тәулік бойы жұмыс істейтін Байланыс орталығына немесе өзіңіздің жеке менеджеріңізге хабарласуыңызды сұраймыз.
Құрметпен,
«Al Hilal» Ислам банкі» АҚ
